TË FUNDIT:
    vizat-kosova.jpeg?time=1653254811

    ScanerPressMay 22, 2022560

     

    Qytetarët dhe institucionet ende vazhdojnë të presin ndryshime pozitive për çështjen e liberalizimit të vizave.

    Edhe pse s’është dhënë ndonjë datë nga Qeveria e as Bashkimi Evropian (BE), njohësit e çështjeve politike si mundësi reale për liberalizim të vizave e shohin fundin e vitit 2022.

    Teksa kanë folur për mundësinë e liberalizimit të vizave dhe frikës për migrim, ekspertët konsiderojnë se me të njëjtën janë përballur edhe shtetet më të forta ekonomikisht.

    Profesori universitar, Afrim Hoti ka vlerësuar se çështja e liberalizimit të vizave tashmë është vjetërsuar edhe pse Kosova e ka konfirmuar se ka plotësuar kushtet për qysh moti.

    “Mendoj se çfarëdo që themi tash e tutje për liberalizimin e vizave do të jetë spekulative sepse ky proces tashmë ka tejkaluar secilin limit madje edhe logjikën e një arsyeje të plotë të veprimit sepse çështja e liberalizimit tashmë është vjetërsuar nisur nga fakti se plotësimin e kushteve jo vetëm që e konfirmojmë ne që e kemi përfunduar por plotësimin e kushteve tashmë e ka konfirmuar tash e sa kohë edhe komisioni evropian dhe mbi këtë bazë mendoj se kemi mbetur thellësisht peng i zhvillimeve politike në BE”.

    “Unë dua ta shoh procesin pak me optimizëm pas zgjedhjeve në Francë mbase do të mund të kemi lëvizje pozitive që në faktin më optimal fundin e 2022 ta gëzojnë një të drejtë elementare që vërtetë ata e meritojnë. Çështja e fqinjësisë në lidhje me dialogun nuk kanë qenë parakusht për liberalizimin e vizave madje as në momentin kur neve na është dhënë detyra që duhet të plotësojmë për të fituar këtë të drejtë. Nisur nga fati që integrimi në BE është çështje e praktikës atëherë edhe lidhja e tij me përfundimin e procesit të dialogut nuk do të më befasonte”, tha Hoti.

    Sa i përket migrimit, Hoti thotë se nuk mund të përjashtohet Kosova, pasi sipas tij, të rinjtë po largohen me të madhe nga Kosova.

    Mes tjerash, ai theksoi se të rinjtë po gjejnë alternativa të ndryshme edhe pa liberalizim të vizave.

    “Unë nuk shoh përjashtim as në rastin e Kosovë sikundër nuk shoh pengesë çështjen e liberalizmit sepse të rinjtë edhe sot e kësaj ditë po largohen me të madhe nga Kosova dhe kjo është me të vërtetë për të ardhur keq. Çështja e mbajtjes së izolimit nëse dikush ka menduar se do të mund të ndalonte të rinjtë ka gabuar thellësisht bile sipas mendimit sikur kosovarët të kishin liberalizmit e vizave dhe lëvizja e tyre do të ishte shumë e kontrolluar”.

    “Ne nuk e kemi të fituar. Nëse vala e madhe e njerëzve do të merrte trend të tillë atëherë normalisht që BE-ja do të mund të merrte masa të tilla. Në rastin e Shqipërisë, Serbisë e Maqedonisë janë dhënë paralajmërime të tilla por që deri më tani nuk kemi parë rast tipik dhe nuk të besoj që të ndodhë në rastin e Kosovës sepse fundja pa liberalizmin të rinjtë tashmë po lëvizin me viza e mundësi të ndryshme. Numri i atyre që kanë rënë viktimë e liberalizimit të vizave është i vogël dhe ky numër nuk do të paraqiste problem për BE-në”, tha Hoti.

    Ndërkohë njohësi tjetër i çështjeve politike, Gazmir Raci, thotë se liberalizimi i vizave është kryekëput politike dhe se Francën e konsideron si pengesë kryesore.

    Ai thotë se pas rizgjedhjes së presidentit Macron në Francë, beson se do të ketë lëvizje pozitive në këtë aspekt.

    “Dihet se çështja e liberalizimit të vizave është temë kryekëput politike dhe se Franca është pengesa kryesore. Pas rizgjedhjes se presidentit Macron shpresoj se Franca do të lëviz pozitivisht, por natyrisht se sipas asaj çka po vërehet është se vendimi për liberalizim ose jo është i lidhur kryekëput me dialogun e Brukselit dhe rezultate nga ai dialog që mund të dalin. Në qoftë se do të kemi progres në dialog unë pres lëvizje pozitive në këtë vit, por edhe nëse merret vendimi pozitiv për liberalizim duhen edhe gjashtë muaj të tjerë për çështje teknike për të filluar zbatimi i asaj dhe se tash qershori është si një opsion për shkak të Samitit që mbahet në qershor, e po ashtu pastaj është edhe shtatori ose tetori i vitit 2022”, thotë Raci.

    E sa i përket migrimit, Raci thotë se e njëjta është çështje e tejkaluar. Ai thotë se me migrim janë përballur edhe shtetet më të forta se Kosova, raporton EO.

    “Çështja e migrimit është çështje e tejkaluar, sepse migrimin legal s’mundet askush ta pengoj, por natyrisht edhe shtetet tjera që janë liberalizuar më herët kanë pas disa probleme në këtë drejtim, por janë menaxhuar dhe mësimet e dala nga ato shtete besoj se Kosova është e gatshme me i zbatu edhe natyrisht që njerëzit lëvizin dhe s’mundet askush t’i ndalë”.

    “Ne kemi lëviz edh enë kohë lufte edh enë kohë gjenocidi edhe askush s’ka mund t’na ndalë, por kryesorja është që Kosovës duhet t’i hiqen vizat sepse është i vetmi vend në Ballkanin Perëndimor që është i izoluar nga ana e Bashkimit Evropian dhe nuk ka arsye tjera që ne duhet të vazhdojmë të jemi të izoluar”, thotë Raci për EO.


    ZKP-ZKM-20-5-2022-3-1392x928-1-1280x853.jpeg

    ScanerPressMay 22, 2022300

     

    Gjatë vizitës në Massachusetts, Kryeministri i Republikës së Kosovës, Albin Kurti, është pritur në takim nga guvernatori i këtij shteti, Charles Baker.

    Diskutuan mbi avancimin e parimeve demokratike, për mënyrat e bashkëpunimit në ekonomi, mbrojtje e siguri.

    Duke folur për mundësitë për investime në Kosovë, kryeministri Kurti tha se rinia e talentuar, rritja ekonomike, e eksporteve dhe e të hyrave tatimore, borxhi i ulët publik, me më pak se 30 përqind të Bruto Produktit Vendor, trajtimi ndaj investitorëve të huaj dhe Gjykata Komerciale në themelim e sipër, ofrojnë mjedis të favorshëm për investime dhe të të bërit biznes në Kosovë.

    Ai theksoi klimën tërheqëse për investime, veçanërisht në sektorin e teknologjisë së informacionit. Mbi 650 kompani të këtij sektori, 70% e të cilave eksportojnë shërbime kryesisht në ShBA dhe BE, tregojnë potencialin e madh dhe të dëshmuar të këtij sektori në Kosovë.

    Si arsye të qëndrueshme për investime në Kosovë, kryeministri Kurti përmendi edhe pozitën e favorshme gjeografike dhe kulturore, popullatën e re, kreative dhe të talentuar, njohjen e mirë të gjuhës angleze, shtrirjen e gjerë të rrjetit të internetit, politikën stabile fiskale, infrastrukturën moderne të transportit etj.


    0-268-750x375-1.jpeg?time=1653254811

    ScanerPressMay 21, 2022610

    Njëri ndër të parët që themeloi degën e Lëvizjes Vetëvendosje në Prizren, Blerim Saramati, ka dhënë sot dorëheqje nga kjo parti.

    Ai në një postim të gjatë në rrjetin social “Facebook” ka sqaruar gjithçka.

    “Egoizmi i strukturave të larta në fillim krijoi shqetësimin e aktivistit, e me kalimin e kohës ky shqetësim u shëndërrua në brengë dhe revoltë. Kur këto brenga dhe revolta u përcollën në Kryesinë Lokale dhe atë Qendrore jo vetëm që nuk u përfillën por bartësit e tyre filluan të anatemohen e të sulmohen me mjete dhe metoda nga më të ultat”.

    Postimi i plotë:

    DORËHEQJE

    Të dashur miqë!

    Shumë vite në politikë, konkretisht në Lëvizjen Vetëvendosje! ishin vullnet, dëshirë, përkushtim, angazhim, vetëmohim….e shumëçka tjetër.

    Krejt duke e dëshiruar më të mirën për shoqërinë dhe shtetin.

    Për kaq shumë vite njoha shumë prej jush, miqë, djemë e vajza të mrekullueshme,  burra e gra punëtore, veteranë e pensionistë të palodhur. Të tubuar së bashku rreth kauzave të lirisë, barazis dhe drejtësis, me të vetmin qëllim ndryshimin pozitiv.

    Kur menduam se erdhi dita e ndryshimit katër vite të qeverisjes lokale nga Mytaher Haskuka me shokë i shkelën të gjitha parimet në të cilat u thirrëm si organizatë.

    E mira e përgjithshme u nënkuptua si e mirë individuale e grupore. U shkëput çdo hallkë e bashkëpunimit mes strukturës dhe pushtetit me aktivistët dhe popullin

    Egoizmi i strukturave të larta në fillim krijoi shqetësimin e aktivistit, e me kalimin e kohës ky shqetësim u shëndërrua në brengë dhe revoltë. Kur këto brenga dhe revolta u përcollën në Kryesinë Lokale dhe atë Qendrore jo vetëm që nuk u përfillën por bartësit e tyre filluan të anatemohen e të sulmohen me mjete dhe metoda nga më të ultat.

    Vazhdoi si vazhdoi, aktivisti nuk u demoralizua, vepronte e shpresonte se një ditë do të reflektohej.

    Por fatkeqësisht nuk ndodhi ajo që pritej. Në zgjedhjet lokale të vitit 2021 sërish aktivistëve iu imponua kandidati për kryetar komune. Për interesa të rretheve të caktuara e në kundërshtim me vullnetin e bazës u shkelë edhe statusi dhe ndodhi diktati. E diktati solli humbjen e zgjedhjeve dhe turpërimin. Por grupi turpin filloi ta hajë si bukën e përditshme.

    Fajin e tyre filluan të ia faturojnë aktivistëve dhe qytetarëve. Të gjithë kishin faj përveq atyre.

    Kur  shpresuam se nga lartë do të vinte një sinjal reflektimi dhe veprimi pozitiv ndodhi ajo që nuk duhej të ndodhte. Me qëllim të përjashtimit dhe mbytjes së zërit kritik mbrenda organizatës  sërish me diktat u suprimuan të gjitha strukturat në bazë tē zgjedhura në mënyrë demokratike për të emëruar të ashtuquajtur Koordinator të Qendrës fajtorin kryesor që shkatërroi organizatën lokale.

    Edhe zgjedhjet e mbrendshme që kanë filluar nëpër pika e vërtetojnë që njerëzit e zgjedhur në krye të tyre duhet të jenë të përshtatshmit dhe servilët.

    Kurrë nuk bëhem “pishman” për të kaluarën time, për aktivitetin dhe kontributin tim në kërkim të vlerave qytetare si aktivist i Lëvizjes. I jam shumë falenderues familjes, farefisit dhe shokëve për mirëkuptimin, përkrahjen dhe kurajon që ma kanë dhënë vazhdimisht.

    Të gjithë aktivistëve të mirë të Lëvizjes ia shprehë tanë falenderimin në bashkëpunim.

    Grupet e caktuara, Kryesia  Qendrës në Prizren dhe Kryesia Qendrore në Prishtinë  e kanë “haram” gjithë djersën, mundin, sakrificën dhe aktivitetin tim.

    Kurrë nuk mund të ua bëjë “hallall”, përgojimet, përbuzjet, sulmet, sharjet, etiketimet, anatemimet……

    Le ti mbajnë si flamur i ndërgjegjies së tyre të rrënuar!

    Unë nuk mund të vazhdojë akoma me të tillë njerëz.

    Prej sot jam qytetar i lirë i çliruar nga prangat politike dhe kurthi i egoizmave, arrogancave dhe diktateve të liderëve dhe liderucëve aktual të Lëvizjes.

     


    Screenshot-2022-04-29T100022.030-696x364-1.png?time=1653254811

    ScanerPressMay 21, 2022490

     

    Kryetari i Komunës Prishtinës Përparim Rama ka deklaruar se testimi i dytë i unazës qarkore njëkahëshe sot ka shkuar më mirë se në testimin e kaluar, derisa ka shkuar se po fitojnë hapësirat e humbura për qytetarët.

    Rama ka thënë, se qasja në trafik në dallim nga testimi i kaluar është më lehtë. Ai ka shtuar se hapësirën e biçikletave e cila është humbur, po mundohen ta rifitojnë përsëri.

    “Testimi po shkon shumë më mirë se herën e parë. Kjo qasja e trafiku është shumë më e lehtë dhe më e shpejtë. Po ashtu, duhet të kemi parasysh se tash e kemi edhe një rrugë e cila është e posaçme vetëm për biçikleta, kryeqyteti e ka fituar një hapësirë shumë më të madhe për qytetarët e Prishtinës….ne kemi bërë analiza me ekspertë ndërkombëtare dhe e kanë parë që çdo matje tregon që ka përmirësim të dukshëm dhe pika kryqe është që ne po e fitojmë hapësirën të cilën e kemi humbë në relacion me makinat, po krijojmë një mundësi tjetër alternativ më të lehtë për qytetarët e Prishtinës”, ka thënë Rama.

    Rama ka thënë që zgjatjen e sheshit “Nëna Tereza” deri te katedralja e sheh si të arsyeshme, derisa theksoi se do të këtë aktivitete të ndryshme për gjatë vikendit.

    “Në qendër të kryeqytetit e kemi zgjatur sheshin “Nëna Terezë”, deri te katedralja. Këtu sot ka evente të ndryshme luhet futboll, basketboll. Kemi ngjarje të ndryshme për me festuar pranverën, kryeqytetin. Është një numër i madh i aspekteve pozitive që janë duke ndodhur në kryeqytet…. deri sot qytetarët nuk pas ku t’i dërgojnë fëmijët e tyre, ku të ecin lirshëm, tash kemi hapësira të ndryshme që janë të sigurta”, ka theksuar Rama.

    Sipas tij, trafiku urban përgjatë vikendit ka qenë pa pagesë për të shtuar fluksin e qytetarëve të dalin pa makinat e tyre, ndërsa për qarkoren njëkahëshe ka shtuar se trafiku urban do të jetë pa pagesë.

    “Ne në qarkoren që sillet përreth, kemi me pas autobusë të dedikuar të cilin do ta bëjmë pa pagesë. Qytetarët mund të kenë mundësi të lëvizin pa pagesë për gjatë qarkores njëkaheshe, nuk do të kenë nevojë të marrin makinën e tyre në qendër të Prishtinës”, tha ai.

    Rama ka folur edhe për rrugën “Muharrem Fejza”, ku tha se përveç asfaltimit të cilin e kanë bërë, kanë arritur të krijojnë edhe hapësira të gjelbra për qytetarët e asaj zone.

     “Rruga “Muharrrem Fejza” ka pasur probleme të shumta, ne kur e kemi marrë në menxhmentin e kryeqytetit kemi parë që ka qenë totalisht e shkatërruar, jo mirë e planifikuar, është deshtë të ndërmarrim masa drastike dhe për kundër probleme të cilat kemi pasur së fundmi kemi gjetur zgjidhje për të mirën e qytetarëve në rrugën “Muharrem Fejza”. Po ashtu përveç asfaltimit të cilit i kemi bërë, kemi krijuar edhe hapësira të gjelbrta, tash jemi duke e bëre edhe dizajnin e Landscape të hapësirave publike për drunjtë të ri në atë rrugë”, tha Rama.

     

     


    Screenshot_8-8.jpeg?time=1653254811

    ScanerPressMay 21, 2022360

     

    Kryeministri i Kosovës, Albin Kurti, gjatë vizitës në Washington, D.C. është pritur në takim nga kongresisti Mondaire Jones, një ndër zërat prijës të Kongresit në përkrahje të ndryshime progresive.

    Në njoftimin nga Zyra e Kryeministrit, thuhet se Kurti e njoftoi kongresistin Jones për përpjekjet dhe angazhimin për të tërhequr investime, veçanërisht nga Shtetet e Bashkuara të Amerikës, dhe për të krijuar vende pune të qëndrueshme dhe të mirëpaguara në Kosovë.

    U diskutua për sigurinë në kontinentin e Evropës pas agresionit ushtarak rus në Ukrainë dhe rrezikun që ndikimi rus në Ballkanin Perëndimor paraqet për paqen dhe stabilitetin në rajon.

    Kryeministri vuri theksin te kërcënimi për sigurinë e Kosovës dhe rajonit që mund t’i vijë nga aleanca ushtarake e Serbisë me Rusinë dhe përsëriti kërkesën që kampi ushtarak “Bondsteel” që ndodhet në Kosovë, të kthehet në bazë të përhershme ushtarake të Shteteve të Bashkuara të Amerikës.

     


    policia-trafik-1-scaled-1-600x360-1.jpeg?time=1653254811

    ScanerPressMay 21, 2022810

     

    Një qytetar i Kosovës është dënuar pasi e kishte ofenduar një police të Kosovës.

    Kështu të paktën tregon një dënim që po qarkullon sot, e në të cilin tregohet se si Policia e Kosovës e ka dënuar një qytetar, i cili derisa po e tejkalonte veturën e policisë, e kishte fyer policen që gjendej brenda veturës zyrtare me fjalët “ta hangsha…”.

    Fyerja, siç tregohet në këtë raport, kishte ndodhur pasi vetura e policisë i kishte dhënë përparsi kalimi veturës ku gjendej personi i cili ka fyer policen.

     


    0-264-1140x570-1.jpeg?time=1653254811

    ScanerPressMay 21, 20222450

     

    Dje u raportua se janë helmuar rreth 20 nxënës që kishin ardhur për shëtitje nga Prishtina në Mitrovicë.

    Ata morrën trajtimin e duhur mjekësor në Spitalin e Mitrovicës, raporton Jepi zë.

    Lokali “Ujvara” te Liqeni Akumulues u mbyll mbrëmë nga Inspektorët, meqenëse ishte vendi ku nxënësit kishin ngrënë ushqim.

    Këtë e ka konfirmuar vetë lokali “Ujvara” sot përmes një postimi në Facebook.

    Postimi i plotë:

    NJOFTIM!

    Ju njoftojmë se sot jemi mbyllur përkohësisht, deri në  daljen e analizave të nxënësve,

    Shpresojmë se shumë shpejtë do ta tejkalojmë këtë situatë të krijuar!

    Me respekt Restaurant Ujvara !!


    FTReHENWYAAyfLv_censored-1536x1152-1-1392x1044-1-1280x960.jpeg

    ScanerPressMay 21, 2022340

     

    Edhe sot në Prishtinë po vazhdon eksperimenti i Përparim Ramës me rrugët njëkahëshe.

    Rrugët që zakonisht janë të stërngarkuara nga makinat, sot kanë marrë pamje tjetër.

    E nënkryetari i Prishtinës, Alban Zogaj, ka publikuar disa fotografi ku ka treguar se këto rrugë nuk po mbeten pa shfrytëzim.

    Në njërën prej tyre, janë vendosur disa fusha ping-pongu dhe fëmijët po argëtohen e luajnë aty.


    ddd.jpeg?time=1653254811

    ScanerPressMay 21, 2022500

    Elena Stublla, mësuese në shkollën fillore të Prishtinës “Dardania”, refuzoi t’i bashkohet protestës së Sindikatës së Bashkuar për Arsim, Shkencë dhe Kulturë të premten (SBASHK), e cila u mbajtë dje gjatë ditës në kryeqytet.

    Stublla, e cila nuk e bojkotoi mësimin, ishte e vetmja mësimdhënëse në shkollën “Dardania” që ngriti akuza të rëndësishme ndaj kryesisë së SBASHK-ut.

    Ajo tha se protestat e grevat janë politikisht të organizuara, duke shtuar se ato asnjëherë nuk kanë mbrojtur mësimdhënësit.

    Madje, ajo pati cilësime goxha të ashpra për Rrahman Jasharin, kryetarin e SBASHK-ut, të cilin e quajti “injorant”.

    “Historikisht, protestat dhe grevat janë politikisht të organizuara dhe gjithmonë në dëm të mësimdhënësve. Asnjëherë nuk i ka mbrojtur mësimdhënësit. Kujtojmë që në kohën kur ishte kryeministër Ramush Haradinaj, Rrahman Jasharaj bëri një marrëveshje ku u injoruan mësuesit dhe përfituan arsimtarët. Nuk mund ta përkrah dikë kur turmën e udhëheqin injorantët e asaj kohe”, ka thënë Stublla në “60 Minuta” të KTV-së.

    Stublla tha se nëse protestat do të organizoheshin nga dikush tjetër e jo nga SBASHK-u, pjesëmarrja do të ishte edhe më masive.

    “Nëse do të ishte dikush tjetër në krye të SBASHK-ut, protesta do të ishte edhe më masive. Nuk duhet të lejojmë që injorantët dhe analfabetët të merren me problemet tona”, u shpreh Stublla në “60 Minuta”.

    Por, këto kundërshtime, duket se nuk kanë fortë të bëjnë me pakënaqësi organizative në lidhje me SBASHK-un. Kritikat e forta në adresë të Jasharajt e SBASHK-ut, ashtu si mospjesëmarrja në protestë, duket  se janë të motivuara politikisht.

    Siç mëson Nacionale, Stublla është politikisht e afërt me Lëvizjen Vetëvendosje, e cila udhëheq me Qeverinë e Kosovës. E kjo e fundit nuk ka marrëdhënie të mira me SBASHK-un e posaçërisht me Jasharajn, që u rizgjodh së fundmi edhe për një mandat si kryesindikalist i mësimdhënësve.

     


    sws.jpeg?time=1653254811

    ScanerPressMay 21, 2022530

    Deputeti i Lidhjes Demokratike të Kosovës (LDK), Armend Zemaj, ka kërkuar që të dihen saktë se sa mjete janë grumbulluar, ngase sipas tij, të gjithë kanë të drejtë të kenë informacione.

    Por ai thotë se mospublikimi i mjeteve të mbledhura është sinjal që Qeveria po mundohet t’i përdor ato para për të mbuluar ndonjë dështim në sektorët ku ka zbrazëtira.

    “Mënyra e Fondit duhet të jetë transparente sepse janë qytetarët dhe janë donacione të cilat vijnë nga vullneti dhe nga dëshira sidomos e qytetarëve shqiptar të Kosovës dhe të tjerëve që mund të kenë lidhje në kuptimin emocional, por edhe të ndihmojnë Kosovën në fuqizimin e infrastrukturës në ushtrinë e re të Kosovës”.

    Madje ai thotë se Qeveria është e mbështetur vetëm me qëllimin e populizmit, demagogjisë e tru-shpërlarjes sa për të qëndruar në pushtet, raporton EO.

    “Nuk e di pse është i mbyllur duket që është në logjikën e njëjtë se si funksionojnë këta si Qeveri ose me një momentum të caktuar t’i përdorin ato para për të mbuluar ndonjë dështim të tyre jo vetëm në këtë sektor por edhe në sektorë të tjerë ku ka zbrazëtira edhe nevoja financiare”.

    “Kështu e shoh edhe trajtimit më mbylljen e transparencës së këtij Fondi, por vetë titulli i kësaj ministrie shihet që fare pak është i interesuar në këtë proces. E shohim një ministër të mbrojtjes që sorollatet nëpër Kosovë, vizita privat. E gjithë kjo Qeveri është e mbështetur vetëm me qëllimin e populizmit, demagogjisë dhe trushpërlajes së njerëzve sa për t’u mbajtur në pushtet”, tha Zemaj.

    Me 2 mars Thesari i Kosovës ka hapur një llogari zyrtare bankare për pranimin e fondeve të mërgatës si dhe çdo qytetari që është i interesuar të kontribuoj.



    Rreth Nesh

    Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit ScanerPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

    E-mail: [email protected]


    NA KONTAKTONI!

    NA TELEFONONI TEL/MOB: 044 555 555