TË FUNDIT:
    0-195-1140x570-1.jpeg?time=1664470868

    ScanerPressSeptember 21, 2022630

    Kryetari i SBAShK-ut, Rrahman Jasharaj, e ka komentuar debatin e ashpër që e pati me deputetin e Vetëvendosjes, Dimal Bashën, ku tha se “falë Zotit që janë mediet pasi debati nuk ishte për të bërë zgjidhje”.

    Para mediave Jasharaj tha se Basha ka përdorur fjalor fyes për mësimdhënësit.

    “Ai s’është anëtar i këtij komisioni dhe unë e kam përcjellur, paraqitjet e tij janë të vrazhda e fyese dhe është ai që jep vlerësime se a i kemi 67 apo 68% të njerëzve tanë analfabet”.

    “Debati i tij nxiti edhe tensionime. Ne nuk jemi që të ketë tensionime. Nëse po thonë se i kemi 67% analfabetë, atëherë pse po duan t’i hapin shkollat?”, është shprehur Jasharaj.


    0-193-750x375-1.jpeg?time=1664470868

    ScanerPressSeptember 21, 2022600

    Udhëheqësi i Këshillit Grevist të shërbyesve civilë, Ali Sefaj, ka reaguar ashpër pas përplasjes së deputetit të Lëvizjes Vetëvendosje, Dimal Basha dhe kreut të Sindikatës së Bashkuar të Arsimit, Shkencës dhe Kulturës, Rrahman Jasharaj, raporton Gazeta Sinjali.

    Përmes një postimi në rrjetin social Facebook, Sefaj ka thënë se Qeveria shihet që nuk do që të mbyllet greva, teksa ka bërë një thirrje interesante duke thënë ‘Lidhne Dimal qenin’.

    “Nga diskutimet në Komisionin për Arsim dhe në korridoret e Kuvendit të Kosovës shihet qe qeveria nuk don qe të mbyllet greva. Lidhne Dimal qenin!”, ka shkruar ai.

    Ndryshe, Basha ka pasur polemika me kreun e e SBASHK-ut, Rrahman Jasharaj pasi ai lëshoi mbledhjen e Komisionit për Arsim.

    Ai e ka sulmuar Jasharajn me fjalët “i ke marrë fëmijët peng për 50 euro”.

    Ndërkohë, derisa Jasharaj i kishte kërkuar të mos e ngris zërin, Basha i kthehet me shprehjen “Po piskas se ti nuk merr vesh ndryshe”.


    0-192-750x375-1.jpeg?time=1664470868

    ScanerPressSeptember 21, 2022530

    Sektori Rajonal i Hetimeve nga Drejtoria Rajonale e Policisë në Ferizaj ka pranuar disa informacione për disa mallra të dyshuara (mjaltë) pa origjinë që janë të fshehura në Ferizaj dhe në Han të Elezit.

    Në lidhje me këtë hetuesit e Sektorit Rajonal të Hetimeve menjëherë i kanë marrë veprimet e nevojshme dhe nën autorizimin e Prokurorit nga Prokuroria Themelore në Ferizaj, sot rreth orës 12:00 ka nisur kontrollet në katër lokacione të ndara në Ferizaj dhe Hani Elezit.

    Gjatë kontrollit në një depo në Ferizaj janë gjetur 5 033 kg mjaltë, ndërsa në Han të Elezit janë gjetur 2 075 kg mjaltë, të cilat më pas janë konfiskuar nga Dogana e Kosovës.

    Në lidhje me këtë janë njoftuar Dogana e Kosovës, inspektorët e AUVK-ut dhe Njësia e Krimeve Ekonomike e Policisë së Kosovës të cilët janë në vendin e ngjarjes, për procedura të mëtjeme hetimore.


    1-20-716x375-1.jpeg?time=1664470868

    ScanerPressSeptember 21, 2022480

    Ministri Murati hedh fajin tek LDK e PDK për pagesën e 11 milionë eurove për rrymën e veriut

    Ministri i Financave, Punës dhe Transfereve, Hekuran Murati, ka thënë se përkundër sfidave të vazhdueshme globale “ekonomia e Kosovës po tregon qëndrueshmëri të jashtëzakonshme”.

    Përmes një postimi në Facebook ai ka pretenduar se ekonomia stabile vërehet edhe në trendin e qarkullimit të bizneseve në vend.

    Hekurani ka treguar se çfarë kanë bërë si ekzekutiv.

    Kosova po përballet me inflacion që sipas Bankës Botërore është 19 për qind. /Express

    Postimi i Muratit:

    kemi zhvilluar fushatën e vaksinimit më efektiven në rajon, gjë që ka mundësuar heqjen më të shpejtë të kufizimeve dhe hapjen e tërësishme të ekonomisë

    kemi subvencionuar çmimin e energjisë elektrike, gjë që mundëson bizneset tona të jenë më konkurrente dhe të rrisin eksportin

    kemi mbështetur prodhuesit në zgjerimin e kapaciteteve të tyre, duke subvencionuar 20% të vlerës së kredisë investuese

    kemi rritur subvencionet në bujqësi duke trefishuar mbështetjen për grurin e duke rritur mbështetjen për produktet e kulturat tjera

    kemi miratuar e shpërndarë pako masash, më shumë se cilado qeveri tjetër, për të mbështetur familjet në nevojë e rritur fuqinë e tyre blerëseE shumë e shumë masa e veprime tjera, çdoherë në shërbim të mbështetjes së ekonomisë e bizneseve për të rritur prodhimin, eksportet e punësimin.


    Capture-66.jpeg?time=1664470868

    ScanerPressSeptember 21, 2022660

    Fluturimet njëdrejtimëshe nga Rusia u shitën me shpejtësi të madhe këtë të mërkure pasi Presidenti Vladimir Putin urdhëroi mobilizim të pjesshëm dhe thirri menjëherë 300,000 rezervistë, raportoi gazeta online Reporteri.net.

    Njoftimi i Putinit, i bërë në një fjalim televiziv në mëngjes, ngjalli frikën se burrat në moshë luftarake nuk do të lejoheshin të largoheshin nga Rusia.

    Ministri i Mbrojtjes Sergei Shoigu tha se ftesa do të kufizohej për ata me përvojë ushtarake profesionale dhe se studentët dhe ata që shërbenin vetëm si rekrut nuk do të ftoheshin.

    Megjithatë, të dhënat e Google Trends treguan një rritje drastike të kërkimeve për Aviasales, e cila është faqja më e njohur në Rusi për blerjen e fluturimeve, shkruan Reuters.

    Fluturimet direkte nga Moska për në Stamboll, Turqi dhe Jerevan, Armeni, të dyja destinacione që lejojnë rusët të hyjnë pa viza, janë shitur sot që të gjitha, sipas të dhënave.

    Disa rrugë lidhëse, duke përfshirë ato nga Moska në Tbilisi, ishin gjithashtu të padisponueshme, ndërsa fluturimet më të lira nga kryeqyteti në Dubai kushtonin më shumë se 300,000 rubla (5,000 dollarë) – rreth pesëfishi i pagës mesatare mujore në Rusi.


    0-189-1140x570-1.jpeg?time=1664470868

    ScanerPressSeptember 21, 2022740

    Kryeministri i Republikës së Kosovës, Albin Kurti, ka kërkuar sërish që të ndërpritet greva e mësimdhënësve, raporton Gazeta Sinjali.

    Kurti në Samitin Digjital që po mbahet në Prishtinë, tha para mediave se duhet të gjendet një zgjidhje sa më parë, teksa ka akuzuar Sindikatën e Bashkuar të Arsimit, Shkencës dhe Kulturës se po bëjnë shantazh.

    “Me sindikatat evropiane kam një takim pasdite. Për ata që nuk më kanë dëgjuar po e përsëris se kompensimi me 50 euro bëhet për t’u përballur me inflacionin e jo si zëvendësim për projektligjin për paga. Zgjidhja më e dobishme është që edhe mësimdhënësit të shkojnë në shkollë dhe nxënësit. Kjo është e domosdoshme për dinjitetin e të gjithëve. I kemi paraqitur të gjitha masat e pakos së re të përballje me inflacion. Duhet të gjejmë një zgjidhje sa më parë, mirëpo ne kemi bërë shumë hapa mirëpo ajo çka nuk kemi parë është pushimi i shantazhit “o kaq ose nuk shkoj në punë”. Të gjithë që marrin paga duhet të kryejnë punën meritore të pagave që marrin”, u shpreh Kurti në konferencën për media.

    Ndryshe, mësimdhënësit e të gjitha niveleve arsimore janë në grevë që nga 25 gushti. Ata kërkojnë që Qeveria t’ua ndajë nga 100 euro shtesë deri në zbatimin e Ligjit për Paga, por kjo kërkesë nuk është plotësuar ende nga ekzekutivi.


    0-186-750x375-1.jpeg?time=1664470868

    ScanerPressSeptember 21, 2022520

    Deputeti i Lëvizjes Vetëvendosje, Dimal Basha, ka debatuar ashpër në korridor me kryetarin e SBAShK-ut, Rrahman Jasharaj.

    Pasi Jasharaj e lëshoi raportimit në Komisionin për Arsim, ishte Basha ai i cili me zë të lartë i thoshte Jasharajt se “dinjitetin e ke kthyer në para, se i do 100 euro”.

    “A ke punuar para luftës pa para, tash për 50 euro po i mban fëmijët peng a?”, është shprehur Basha drejtuar Jasharajt, njofton Klankosova.tv.

    Ndërsa, në lidhje me tonin e zërit, Jasharaj i tha Bashës se “çka po bërtet”, teksa Basha ia ktheu se “po bërtas se ti nuk kupton ndryshe”.

    Kurse, diskutimi me tone të larta mori fund kur Jasharaj i tha Bashës se “deputetët si puna jote e kanë sjellur kuvendin në këtë gjendje”.


    0-185-750x375-1.jpeg?time=1664470868

    ScanerPressSeptember 21, 2022510

    Autoriteti Kombëtar i Ushqimit nga njoftuar për konstatimin e një bakteri të rrezikshëm në disa prodhime të markës së salçiçeve Wudy që shiten në Shqipëri. Bëhet fjalë për  bakterin “Listeria monocytogenes”, i cili nëse futet në sistemin tretës mund të shkaktojë një mori problemesh.

    AKU thekson se gjithçka ka ndodhur pas një njoftimi nga sistemi RASSF i Bashkimit Europian në lidhje me sigurinë ushqimore.

    “Referuar njoftimit të ardhur nga sistemi RASSF (Sistemi i Njoftimit të Shpejtë për Ushqimin dhe Ushqimin për Kafshë) pas analizave laboratorike të kryera në Itali është konstatuar prani e Listeria monocytogenes STI55 duke përbërë risk me ndikim serioz për shëndetin e njeriut, në produktin. Autoriteti Kombëtar i Ushqimit menjëherë pas njoftimit të ardhur nga RASFF po ndërmerr të gjitha masat nëpërmjet kontrolleve zyrtare në operatorët e biznesit ushqimor për identifikimin, bllokimin dhe tërheqjen e produktit nga tregu. Kujdes konsumatorë! Mos i konsumoni këto produkte, kthejini pranë subjekteve ku i keni blerë”, njofton AKU.


    Screenshot_10-2.jpeg?time=1664470868

    ScanerPressSeptember 21, 2022860

    Kryetari i SBASHK-ut Rrahman Jasharaj ka lëshuar mbledhjen e Komisionit për Arsim. Ai këtë e ka bërë pas përplasjeve me deputetin e VV-së, Dimal Basha.

    Para mediave Jasharaj tha se Basha ka përdorur fjalor fyes për mësimdhënësit, shkruan Reporteri.net.

    “Debati ishte i tillë e patë edhe ju vet. Nuk ishte debat për të bërë zgjidhje. Angazhimi im që ai të mos ishte aty.

    Debati i tij nxitit tensionime. Ne nuk jemi për tensionim, jemi për mesazhe pozitive sepse kështu ulen tensionet. Deklarata e tij ishte skandaloze për mësimdhënësit”, u shpreh Jasharaj para mediave.

    Deputeti, Dimal Basha në komisione ka akuzuar Jasharajn që e ka kthyer dinjitetin në para. dhe se i ka “marrë fëmijët peng për 50 euro”.


    LAJMI-FUNDIT-kosova7-1140x570-2.jpeg?time=1664470868

    ScanerPressSeptember 21, 2022540

    Tre zyrtarë të Ministrisë së Mjedisit, Planifikimit Hapësinor dhe Infrastrukturës janë në mesin e shtatë personave të arrestuar në aksionin “Brezovica 6”, raporton Gazeta Express.

    Këtë informacion e ka konfirmuar për Gazetën Express prokurori i rastit “Brezovica” Rasim Maloku.

    “Tre të arrestuar janë të MMPH”, tha Maloku për Express.

    Prokuroria Themelore në Ferizaj njoftoi se në vazhdimësinë e aksionit “Brezovica 6”, janë kontrolluar 11 lokacione, nga këto lokacione 8 ishin në Prishtinë, 2 në Podujevë dhe 1 në Fushë Kosovë.

    Prokuroria konfirmoi se ndaj shtatë të arrestuarve është caktuar masa e ndalimit prej 48-orësh, si dhe u bë e ditur se brenda afatit ligjor, pritet të bëhet kërkesa për caktimin e masës së paraburgimit ndaj tyre në Gjykatën Themelore në Ferizaj.

    Të njëjtit dyshohen për veprat penale, “Marrja e ryshfetit”, “Dhënia e ryshfetit” dhe “Ushtrimi i ndikimit”.

    Prokurori i rastit “Brezovica”, Rasim Maloku, ka konfirmuar për Gazetën Express se në mesin e personave të arrestuar është edhe asamblisti i Lëvizjes Vetëvendosje në Komunën e Prishtinës, Berat Lahu.

    Prokurori Rasim Maloku tha se Lahu dyshohet për veprën penale “Ushtrim i ndikimit”.

    Po ashtu, gjatë këtij aksioni janë sekuestruar prova të ndryshme materiale.



    Rreth Nesh

    Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit ScanerPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

    E-mail: [email protected]


    NA KONTAKTONI!

    NA TELEFONONI TEL/MOB: 044 555 555