TË FUNDIT:
    1-253.jpg

    ScanerPressApril 19, 202190

    Si pasojë e infektimit me Covid-19, sot ka ndërruar jetë i riu nga Deçani, Alban Muslijaj, shkruan Indeksonline.

    Albani vdiq në moshën 38-vjeçare. I ndjeri ishte një ndër frizerët më të mirë në Kosovë.

    Gjendja me Covid-19 në Kosovë vazhdon të jetë alarmante.

    Që nga shfaqja e pandemisë e deri më tani janë raportuar 2.072 raste të vdekjes.


    1-252.jpg

    ScanerPressApril 19, 202160

    Qytetarët shpenzojnë rreth 4 milionë euro në vit për homologim, një shërbim që sipas partisë në pushtet, është barrë për qytetarët dhe i panevojshëm, pasi nuk ka ndonjë vlerë të shtuar për sigurinë e automjeteve.

    Së shpejti automjetet që importohen nga jashtë nuk do të kenë nevojë që të kryejnë homologimin në Qendrën e Automjeteve të Kosovës “Eurolab”.

    Partia në pushtet, Lëvizja Vetëvendosje, pritet të iniciojë në Kuvend, projektligjin për heqjen e homologimit për automjetet e reja dhe të përdorura që vijnë nga shtetet e Bashkimit Evropian si dhe nga Zvicra e Norvegjia.


    1-251.jpg

    ScanerPressApril 19, 202150

    Në tregun e Mitrovicës ndodhi një ngjarje e rëndë, pasi i vdekur mbeti një person dhe dy të tjerë u plagosën.

    Viktima mbeti 27 vjeçari, Valmir Fazliu, nga fshati Dolak i Vushtrrisë, shkruan Jepi zë.

    Sipas dëshmitarëve, Valmiri kishte qenë agjerueshëm në momentin kur u ekzekutua.

    Ndërkohë, familjarët kanë vendosur që varrimi i tij të bëhet me namazin e drekës.

    27 vjeçari ka qenë djalë hasreti dhe njihej si një punëtor i madh. Familja e tij merren për shumë kohë me punimin e tokës.


    1-250.jpg

    ScanerPressApril 18, 2021150

    Në mbledhjen e mbajtur para pak minutash, Qeveria e Kosovës ka miratuar masat e reja anti-Covid.

    Mes tjerash ka ndryshuar orari i lëvizjes. Nga dita e hënë (nesër) qytetarëve u ndalohet qarkullimi prej orës 22:30 deri në orën 05:00 të mëngjesit.

    “Nga data 19 prill (nesër), kufizimi i orarit të lëvizjes do të jetë nga ora 22 e 30 deri në ora 5 të mëngjesit”, tha mes tjerash ministri i Shëndetësisë, Arben Vitia.

    Në kuadër të këtij vendimi nga e hëna e 19 prillit rihapet gastronomia lokalet hoteliere dhe qendrat tregtare.


    1-249.jpg

    ScanerPressApril 18, 2021160

    Qeveria e Kosovës po mban mbledhje e nisur në orën 19:00, në të cilën po shqyrtohen masat e reja anti-COVID.

    Njëri nga vendimet që ka marrë Qeveria është lejimin i punës së gastronomisë, objekteve hoteliere, restoranteve dhe kafiterive, të cilat nga e hëna do të punojnë deri në orën 22:00.

    Institucionet private dhe publike arsimore vazhdojnë procesin e mësmit normal.

    Gjithashtu do të hapen edhe qendrat tregtare.

    Ndërsa, kufizimi i lëvizjes do të vazhdojë nga ora 22:30 deri në 05:00.


    1-248.jpg

    ScanerPressApril 18, 2021150

    Djali i ish-presidentit Hashim Thaçi, Endrit Thaçi, ka deklaruar se babai i tij i ka bërë të fala kryeministrit të Shqipërisë, Edi Ramës, raporton Gazeta Express.

    Kjo deklaratë e tij vie pasi Rama u shpreh sot se i mungon Hashim Thaçi i cili prej disa muajsh ndodhet në Hagë në përballje me drejtësinë.

    “Më mungon shumë sot, një prej shqiptarëve më të mëdhenj, jam i bindur se historia të tillë do ta konsiderojë, Hashim Thaçi. Dhe prej këtu nuk e di a më ndjek, a do të mund të më ndjekë, por do të dëshiroja t’i çoja një përqafim dhe t’i thosha se në muret e këtij aeroporti gjendet një moment, kur Thaci dhe Rugova të ulur bashkë i hapën rrugë procesit pa kthim, çlirimit përfundimtar të Kosovës” ka deklaruar sot Rama.

    Ndërsa, Endrit Thaçi ka falënderuar Ramën për fjalët e tij, derisa i ka thënë se ka të fala nga ai.

    “Falënderoj z.Rama, Kryeministrin e Shqipërisë për fjalën e kujtimeve për babin. Të jeni të sigurtë që babi përcjell me vëmendje dhe shumë gëzim sukseset e juaja në Shqipëri, përfshi hapjen e aeroportit impresiv në Kukësin vëllazëror. Dhe keni të fala nga ai”, ka shkruar ai.


    1-247.jpg

    ScanerPressApril 18, 2021140

    Kryeministri Edi Rama ka kujtuar ish-Presidentin e Kosovës, Hashim Thaçi që për momentin ndodhet në Hagë.

    I ndodhur në podiumin e aeroportit të Kukësit, ku u ul dhe avioni i parë, Rama tha se Thaçi i mungon shumë, duke e quajtur edhe vëlla.

    “Dua të ndaj me ju faktin që më mungon shumë sot, dikush, më mungon dikush që unë e konsideroj një prej shqiptarëve më të mëdhenj. Më mungon shumë dikush që është një prej shqiptarëve më të mëdhenj, jo se është vëllai im, por është vëllai im sepse është një prej shqiptarëve më të mëdhenj, që është Hashim Thaçi. Nuk e di prej këtu a më ndjek, por do të doja t’i coja një përqafim dhe t’i thosha se në muret e këtij aeroporti gjendet edhe një moment i jashtë zakonshëm, momenti kur Hashim Thaci dhe Rugova i hapën rrugë çlirimit përfundimtar të Kosovës,”- tha Rama ndër të tjera.


    0-318-750x375-1.jpg

    ScanerPressApril 18, 2021120

    Ulet avioni i parë me pasagjerë në aeroportin e Kukësit. Kryeministri Edi Rama është nisur nga aeroporti i Rinasit drejt atij të Kukësit, me një grup emigrantësh që kanë udhëtuar nga Londra.

    “Nga Aeroporti “Nënë Tereza” drejt Kukësit në Aeroportin Ndërkombëtar të “Zayed Flatrat e Veriut”, me pasagjerët VIP, çunat çamarrokë të fejsbukut nga Londra”, shkruan Rama.

    Në videon e publikuar, Rama dëgjohet teksa iu thotë pasagjerëve që të qëndrojnë të ndarë dhe jo ngjitur me njëri-tjetrin.

    Avioni me emigrantët kuksianë zbriti fillimisht në Rinas, për shkak se Britania e Madhe dhe Kukësi nuk kanë linjë direkte.


    1-245.jpg

    ScanerPressApril 18, 2021140

    Kryeredaktori i gazetës online Insajderi, Vehbi Kajtazi, përsëri ka ngritur sot çështjen e furnizimit të Kosovës me vaksina Anti-COVID, raporton Gazeta Express.

    Përmes një shkrimi në rrjetin social Twitter, ai ka pyetur ministrin e Shëndetësisë Arben Vitia se pse nuk e ka nënshkruar kontratën për furnizim me vaksina.

    Ai ka thënë se kësisojë Vitia po i lë qytetarët të infektohen e të vdesin.

    “Sikur ulja e numrit të testimeve të ndikonte në uljen e numrit të viktimave. Virusi nuk luftohet me mostestim, por me vaksinim. Pyetja që mbetet pa përgjigje është: pse ministër nuk e ke nënshkru kontratën për vaksina, por po i lë njerëzit edhe me tej të infektohen e të vdesin?”, ka shkruar ai.

    Kujtojmë që redaktori i ‘Insajderit’, Parim Olluri është thirrur për t’u marrë në pyetje nga Policia e Kosovës pas publikimit të një artikulli që thoshte se Ministri i Shëndetësisë, Arben Vitia refuzoi të nënshkruajë një kontratë për furnizimin e vaksinave Pfizer.


    1-244.jpg

    ScanerPressApril 18, 2021120

    Deputetja e AAK-së, Time Kadriaj, ka folur për kalimet e deputetëve nga një parti në një tjetër.

    Në një bisedë në emisionin “Përtej Tregimit”, Kadriaj ka thënë se nuk është në vlerat e saj që të marr vota në një parti e t’i shërbej një partie tjetër., transmeton Magazina.al.

    “Nuk është në vlerat e mia as morale as njerëzore, as etike të garoj në një subjekt politik e më pas, me këto vota të operoj në një subjekt politik”, ka thënë Kadriaj.

    Por ish ushtarja e UÇK-së, ka treguar edhe një arsye edhe me të fortë pse s’do ta tradhtonte kurrë votën e AAK-së.

    Mikja e Familjes Haradinaj, ka treguar se ajo mes mijëra votash, ka marrë edhe votën e Rukë Haradinajt, nënës së Ramushit prandaj siç ka thënë s’do ta tradhtonte kurrë votën e nënës së gjeneralëve.

    “Kur nëna e 5 gjeneralëve, Nëna Rukë e ka Votu Time Kadriajn, unë votën e Nanës Rukë nuk e dërgoj në një parti tjetër”, ka thënë deputetja e AAK-së, pa treguar nëse pos tjerash ky është mesazh për Albena Reshitajn e cila votoi presidenten kundër vendimit të partisë.



    Rreth Nesh

    Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit ScanerPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

    E-mail: [email protected]


    NA KONTAKTONI!

    NA TELEFONONI TEL/MOB: 044 555 555