TË FUNDIT:
    1-44.jpg

    ScanerPressJuly 28, 2020250

    Ministri i Shëndetësisë Armend Zemaj ka folur lidhur me masat e reja të propozuara nga Qeveria në kuadër të ndalimit të përhapjes se koronavirusit.

    Duke folur për ndalesën e aktiviteteve publike, Zemaj u shpreh se nuk e ndalojnë faljen e Kurban Bajramit, megjithatë do të ketë formë tjetër të këtij rituali të kësaj feste.

    ”Të gjitha masat që do ndërmerren nga dita e djeshme do të kufizojnë shumë lëvizje të aktiviteteve publike”.

    ”Sot do të kemi kontakte të tjera, dhe çdo gjë që do të jetë konform vlerësimit epidemiologjik. Unë nuk jam kryeimam që të lejoj faljen e Kurban Bajramit”.

    ”Nuk mund të ndal as unë e askush në botë faljen e Bajramit. Ne japim rekomandime për ndalesën e aktiviteteve publike”.

    A do te lejohet falja e Kurban Bajramit në xhami?

    ”Ju e keni një interpretim më të drejtë” thotë Zemaj për Klan Kosova.

    ”Është konform edhe rekomandimeve tona. Për ne me rëndësi është që masa të mos grumbullohen në çfarëdo forme apo çdo aktiviteti”.

    ”Ne do të ndalojmë të gjitha tubimet publike. Tubimet në masë, nga dita e sotme do të ndalohen”.


    1-9.png

    ScanerPressJuly 28, 2020390

    Ky është Sejdi Elshani, 63 vjeç nga fshati Saradran i komunës së Istogut.

    Lexo Edhe:

    38 aktakuza për 24 orë

    Ai me kultivimin e shalqirit dhe mirëmbajtjes së tokave të familjes së tij ka filluar të merret qysh në moshë shumë të re.

    Fillimisht ka filluar të merret vetëm me kultivimin e shalqirit, por që më vonë ka zgjeruar aktivitetin e tij nëpër tokat e fshatit të tij.

    Elshani ka disa lloje të shalqirit, por tregon se cili është më i miri dhe më i kërkuari për konsumim të përditshëm./GazetaExpress/

    https://video.gjirafa.com/gjesi-tradite-kultivimi-i-shalqirit


    1-43.jpg

    ScanerPressJuly 28, 2020220

    Franz Allerberger, udhëheqësi i Departamentit për Mjekësi Humane brenda Agjencisë austriake për Siguri të Ushqimit (AGES) vlerëson se shkalla e të infektuarve me koronavirus në shtetet si Kosova dhe Bullgaria shkon në rreth 50 për qind.

    Ai nuk u beson shifrave zyrtare të shteteve të Ballkanit, pasi që shifrat reale janë “rreth dhjetëfish më të larta”, ka thënë për të përjavshmen austriake, “Profil”.

    Sipas analizave të AGES-it, numri i të infektuarve në Austri lidhet në masë të konsiderueshme me ata që vijnë nga shtetet e Ballkanit ose Turqia, raportojnë mediat austriake.

    Rreth kësaj, Allerberger i ka thënë të hënës agjencisë austriake të lajmeve APA se “popullsia lokale e Ëuhanit apo Ischglit e kishte pasur këtë shkallë të infektimit (43 për qind, sipas testeve serologjike në Ischgl)”.

    Sipas shifrave të “Complexity Science Hub” (CSH) në Vjenë, Bullgaria deri më tani ka regjistruar rreth 10.400 të infektuar, Rumania 45.000, Serbia 23.700, Mali i Zi 2.800, Shqipëria 4.800, Maqedonia e Veriut 10.000, Bosnja 10.000 dhe Kosova 7.100.

    Shkaku i sezonit të pushimeve, Qeveria në Austri ka lëshuar paralajmërime për shtetet e Ballkanit.


    1-42.jpg

    ScanerPressJuly 28, 2020180

    Labinot Tahiri, mori iniciativën për të ndihmuar të moshuarën 87 vjeçare nga fshati Rakoshë i komunës së Istogut.

    Ai gjatë ditës së djeshme ishte në shtëpinë e të moshuarës për ta siguruar se do nuk do t’i mungojnë gjërat për të cilat ka nevojë, shkruan Reporteri.

    E këngëtari, gjatë ditës së sotme ka njoftuar se janë tubuar mbi 7 mijë euro për të moshuarën nga Istogu dhe se në dy ditët e ardhshme pritet të sigurohet shuma e mjaftueshme.

    Ai ka thënë se asaj i janë siguruar po ashtu edhe barnat, drunjtë për dimër si dhe ushqim i mjaftueshëm.

    Njoftimi i plotë:

    Mirëmengjesi të dashur gurbetqarë e shqiptarë!

    Ju jam mirënjohës shumë që keni ndihmuar për nanën loke.

    Dua të ju them se shuma deri me sot iu është tubuar afro 7000€ dhe ju lutem, ju lutem shumë mos dergoni para në tjerë emra ku unë nuk i kam të shkruar kêtu, përsarsye se unë e kam rastin dhe mos të keqëpërdoret as një cent i juaj.

    Edhe sot kush do që i dergoni edhe nesër, mjafton.

    Pas ditës se neserme mos dërgoni sepse hallës ia kemi siguruar penzionin, barnat, dhe drunjët ku janë mbi 30 metra drunjë, e mos të diskutojmë për ushqim që iu është mbushur shtëpia.

    Kujdesi ndaj saj, vazhdon nga ana e familjes dhe neve si Fondacion i juaji shqiptarë.

    Ishte e mrekullueshme kur shqiptarët zemer gjërë , dëshironin edhe në shtëpitë e tyre ta mirrnin sa të jet gjallë, por nana loke deshironte aty te rrinte!

    Pra, në as një emër tjetër mos dërgoni para përveq ; Albion Ademi , Argjend Ademi , dhe Fitim Ademi sa i perket nanes loke.

    Kush do që ka dërguar para, mi dergoni flet dergesat në nr tim personal; +38349139900

    Besoj deri neser i bëhen 10.000 €!

    Zoti ju bekoftë dhe faleminderit shumë.

    Tani besoj se jeni të qetë,, e sidomos zonjat, nënat e vajzat, ku edhe kanë lotuar për këtë nanë.

    Vazhdojmë me rastet e tjera

    Labinot Tahiri, Ferizaj Kosovë e Shqipërisë.

    Këngëtari, Labi si humanist që njihet ka vendosur t’i ndihmojë.

    Me një postim në Facebok, ai shkroi se sot do ta vizitojë dhe do bisedoj me të, ndërsa ka ftuar kushdo që ka mundësi ta ndihmojë, duke hapur edhe një xhirollogari për ndihmë.

    Ndërsa sot, këngëtari sapo ka publikuar një video duke treguar se do ta ndihmojë zonjën Zojë Haxhiaj dhe do marrë përsipër kujdesin ndaj saj.


    1-41.jpg

    ScanerPressJuly 27, 2020200

    Qeveria e Kosovës do të bëjë shpërndarjen e disa maskave falas për qytetarët e Kosovës nëpër komuna.

    Kjo u bë e ditur nga ana e Ministrit të Shëndetësisë, Armend Zemaj.

    “Sot në emër të Qeverisë, zv-kryeministri Besnik Tahiri do të jap lajmin se do të shpërndahet në të gjitha komunat e Kosovës një donacion i ardhur nga diaspora. Janë më shumë se gjysmë milioni maska që do të shpërndahen në duart e qytetarëve tanë”, ka deklaruar Zemaj.

    Ndërsa zëvëndes kryeministri i Qeverisë së Kosovës, Besnik Tahiri njoftoi se nga Jordania kanë ardhur një numër i konsiderueshëm i maskave dhe mjeteve të tjera mbrojtëse.

    “Kanë ardhë gjysmë milioni maska, gel dezinfektues e mantile”, ka thënë Tahiri. /Lajmi.net/


    1-8.png

    ScanerPressJuly 27, 2020250

    Deputetja nga radhët e AAK-së, Donika Kadaj-Bujupi, ka bërë një apel tek të gjitha komisionet parlamentare që të kryejnë punën e tyre rreth buxhetit dhe Kryesia e Kuvendit sa më parë të thërrasë seancën në të cilën votohen buxheti.

    Kadaj-Bujupi ka kërkuar që ky ekzekutim i mbetur nga Pakoja Emergjente të bëhet para festës së Bajramit.

    Postimi i plotë i saj në Facebook:

    Apeloj tek të gjitha Komisionet përkatëse të kryejnë sa më shpejt punën e tyre rreth buxhetit dhe Kryesia e Kuvendit sa më parë të thërrasë seancën në të cilën votohet rishikimi buxhetit. Ekzekutimi i mjeteve të mbetura nga Pakoja Emergjente duhet të bëhet para festës së Bajramit.

    Gjendja është e rëndë, Qeveria dhe Kuvendi duhet ta marrin rolin qe i’u takon në lehtësimin e kësaj gjendjeje!


    1-40.jpg

    ScanerPressJuly 27, 2020700

    Këngëtari Labinot Tahiri e ka vizituar një të moshuar për të cilën dje ka shkruar në Facebook se do ta ndihmojë.

    Bëhet fjalë për një të moshuar që, sipas Tahirit, jeton e vetme, ndonëse vizitohet e ndihmohet nga familja e saj e gjerë.

    Tahiri përmes një postimi në Facebook ka shkruar gjatë fundjavës se fondacioni i tij do t’i sigurojë asaj një pension prej 200 eurove çdo muaj.

    Këngëtari ka njoftuar sot përmes një videoje nga shtëpia e gruas se i ka siguruar mjetet për t’ia dhënë asaj një pension mujor të veçantë, përpos atij që shteti ua jep të moshuarve në Kosovë. /Express/

    blob:https://www.facebook.com/1dbf04dc-49f9-48fc-b828-c0c5ee494c5c


    1-38.jpg

    ScanerPressJuly 27, 2020270

    Sekretari i Përgjithshëm i PDK-së, deputeti Uran Ismaili e vlerëson alarmante situatën me covid-19 në Kosovë, ndërsa thekson se sistemi shëndetësor është buzë kolapsit.

    Ish-ministri i Shëndetësisë ka shkruar në faqen e tij në Facebook se Qeveria Hoti po tregohet se nuk ka kompetencën e duhur për ta menaxhuar situatën.

    “Rritja enorme e rasteve me Covid-19 në Kosovë është indikatori kryesor i një sërë dështimesh që e kanë percjellë sistematikisht këtë pandemi. Sot më shumë se kurrë shihet mungesa e vendimmarrjes dhe vizionit të Qeverisë për përballjen me pandeminë”, tha Ismaili

    Deklarata e plotë e Uran Ismailit:

    Situata me Covid-19 në Kosovë është dramatike dhe sistemi shëndetësor është buzë kolapsit.

    Ky fakt duhet t’i alarmojë të gjithë. Është e pakuptimtë që Qeveria edhe më tutje t’i përgjigjet pandemisë me një qasje të tillë, pa politika të qarta që do ta kthenin mbarë këtë gjendje të rënduar.

    Konferenca e sotme e Qeverisë Hoti edhe një herë vuri në pah mungesën e kompetencës të kësaj Qeverie. U tha se do të blihen aparatura për testime, e do të rriten kapacitetet e spitaleve, por pa asnjë afat kohor e asnjë detaj tjetër. Kemi pesë muaj ballafaqim me pandeminë dhe përgjigje të tipit “jemi në proces” janë tejet të vonuara.

    Rritja enorme e rasteve me Covid-19 në Kosovë është indikatori kryesor i një sërë dështimesh që e kanë percjellë sistematikisht këtë pandemi.

    Sot më shumë se kurrë shihet mungesa e vendimmarrjes dhe vizionit të Qeverisë për përballjen me pandeminë.

    Sipas Organizatës Botërore të Shëndetësisë, shtetet që testojnë vetëm raste të rënda simptomatike, ose të shtruara në spital, kanë shkallë më të lartë të vdekshmërisë sesa vendet që bëjnë testime të shpeshta. Ky është mesazh i qartë se testimi duhet të rritet, në mënyrë që të ulet kjo normë shumë e lartë e vdekshmërisë.

    Deri më tash nuk është nuk shënuar progres në këtë drejtim.

    Derisa në Kosovë zyrtarisht me virus janë prekur mbi 7 mijë persona, kapacitetet testuese janë pothuajse të njëjta me ato kur vendi kishte vetëm 1 të infektuar.

    Qeveria Kurti dhe Qeveria Hoti për pesë muaj dështuan të rrisin nivelin e testimit dhe kjo është dëshmia më e mirë e disfatës së tyre kundrejt pandemisë.

    Në mungesë të një plani të qartë, Ministri Zemaj po krijon mekanizma të ndryshëm për të menaxhuar pandeminë dhe po e vështirëson procesin e vendimmarrjes.

    Organizimi i tillë i fragmentuar në komitete, komisione e borde të ndryshme që nuk koordinohen, është kundër-produktiv.

    Kjo formulë e organizimit e shpërndan përgjegjësinë dhe bën që qytetari të thellohet edhe më shumë në krizë shëndetësore.

    Pandemia ka shkaktuar një krizë me pasoja të rënda dhe për këtë Qeveria duhet të përdorë më shumë kapacitetet e veta për të rritur efikasitetin e sistemit shëndetësor.

    Puna e madhe dhe sakrifica e të gjithë punëtorëve shëndetësorë duhet të përcillet me politika të mirëfillta qeveritare, për t’i zbutur efektet negative të virusit sa më shumë që të jetë e mundur.

    Ndryshe, Kosova do të zhytet edhe më shumë në krizë.


    1-5.png

    ScanerPressJuly 27, 2020260

    Gjykatësi i krimeve të rënda në Gjykatën e Prishtinës, Beqir Kalludra ka rezultuar pozitiv për COVID-19. Në një lidhje direkte në emisionin Frontal të T7, Kalludra ka treguar për gjendjen e tij.

    Kalludra ka treguar se është testuar më nëntë korrik dhe se ka pritur për rezultate deri më 12 korrik. Thotë se nga ajo ditë ka qenë në gjendje të rëndë shëndetësore.

    Lexo Edhe:

    “Më 9 të këtij muaji jam testuar dhe kam pritur për rezultate deri më 12. Nga data 9 e deri më 13 korrik, kam pas gjendje të rëndë shëndetësore. Probleme me mushkëri, ethe dhe djerësistje të pafundme. Më është dasht me i ndërru pizhamet disa herë natën”, ka thënë Kalludra.

    I pyetur nëse e di se ku është infektuar, Kalludra tha se personi në të cilin dyshon nuk e ka ditur se është i infektuar.

    “I kam dyshimet e mia, po ai person që unë dyshoj në të nuk e ka ditur që e ka virusin.

    Ai ka falenderuar stafin e Klinikës Infektive, ku edhe po trajtohet, për kujdesin që kanë treguar për të, derisa u ka bërë thirrje qytetarëve që t’i

    respektojnë rekomandimet e Institutit Kombëtar të Shëndetit Publik.

    “Jashtëzakonisht mirë janë kujdesur për mua dhe gjithë të tjerët. Ka qenë një përvojë e tmerrshme edhe e rëndë edhe të qon te të menduarit se s’ki mundësi me jetu. Ne duhet t’i dëgjojmë udhëzimet e IKSHP’së. Distancimi fizik, mbajtja e maskës, ndalimi i tubimeve dhe larja e duarve janë prevantiva më e mirë”, ka deklaruar Kalludra në T7./Gazeta Express

     


    1-36.jpg

    ScanerPressJuly 27, 2020300

    Sot gjatë ditës, në një tubim të PDK-së, në Prizren, nënkryetari i kësaj partie, Enver Hoxhaj, tha se ikjet e të rinjëve nga Kosova dhe rikthimi i shpresës tek ta, bëhet vetëm në momentin kur drejtimin e qeverisë e merr Kadri Veseli.

    Në këtë tubim, në të cilin u zgjodh kryetari i degës së PDK-së, në Prizren, Hoxhaj shtoi se PDK është parti e shpresës dhe e besimit nga qytetarët.

    “Në këtë drejtim, neve na duhet që si parti e shpresës, e besimit, e optimizmit, që ta rikthejmë besimin në shtet. Këtë punë mund ta bëjë vetëm PDK-ja, dhe këtë punë mund ta bëjë vetëm Kadri Veseli, kur të jetë kryeministër i Republikës së Kosovës”, ka thënë Hoxhaj.

    Mirëpo, i kontaktuar nga Gazeta Blic, deputeti i NISMA-s Socialdemokrate, Haxhi Shala, u shpreh se i kupton këto deklarata të Hoxhajt, si “tendencë e tij për ta fuqizuar Kadri Veselin brenda PDK-së”, sepse siç u shpreh ai “ekziston një përplasje mes Veselit dhe Thaçit brenda partisë”.

    “Kurdo që ata dëshirojnë me shku në zgjedhje, na gati jemi. Madje, ma gati se ata. Por, unë deklaratën e Hoxhajt, më shumë po e shoh si tentim për ta fuqizuar Kadrinë (Veseli), për shkak se po duket që si ka punët mirë me Hashimin (Thaçin) dhe atij (Kadri Veselit), po i duhet një përkrahje më e madhe brenda PDK-së. Sidoqoftë, unë e kuptoj Enver Hoxhajn, se ai është nënkryetar i partisë dhe e ka detyrë me e lavdëru kryetarin”, ka thënë Shala për Gazetën Blic.

    Gjatë ditës së sotme, tubime përvec PDK-së, ka mbajtur edhe AAK-ja e Ramush Haradinajt.

    Kryeministri i vendit ka mbajtur tubime me struktura të AAK-së, në Ferizaj dhe Kaçanik, teksa aty ka dhënë zotime për “rritje ekonomike në Kosovë”.

    Madje, ai u shpreh se nuk do dorëzohet dhe do vijë koha kur nga vendet perëndimore do të kthehen për të punuar në Kosovë.



    Rreth Nesh

    Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit ScanerPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

    E-mail: [email protected]


    NA KONTAKTONI!

    NA TELEFONONI TEL/MOB: 044 555 555