TË FUNDIT:
    q-17.jpg

    ScanerPressJanuary 27, 202170

    tvprizreni by tvprizreni  January 27, 2021 in LAJME, VENDI

    Një vrasje e rëndë ka ndodhur para pak minutash në Matiqan të Prishtinës.

    Burime të lajmi.net kanë treguar se babai e ka qëlluar për vdekje të birin e tij për motive që ende mbesin enigmë, shkruan lajmi.net.

    Sipas këtyre burimeve, viktima është A.K ka vdekur në vend dhe policia ka mbërritur në vendin e ngjarjes.

    Lajmi.net ka tentuar të marrë konfirmimin nga Policia e Kosovës por të njëjtit ende nuk kanë kthyer përgjigje.

    Lajmi.net do t’iu mbajë të informuar lidhur me rastin.


    1-491.jpg

    ScanerPressJanuary 27, 202160

    Me “entuziasëm” të madh, disa qytetarë e kanë pritur vendimin e sotëm nga Gjykatësi i Procedurës Paraprake, Nicollas Guillou që ka vendosur që t’i lë në paraburgim ish-udhëheqësit politikë e ushtarakë të Ushtrisë Çlirimtare të Kosovës, raporton Kosova24.

    Pas vendimit të publikuar sot nga Gjykatësi Gillou, menjëherë kanë ardhur reagimet e komentuesve, ku disa prej tyre i janë gëzuar faktit se Hashim Thaçit dhe të tjerëve, do ti vazhdohet paraburgimi.

    Një vendim të tillë, Nicollas Gillou e kishte marrë edhe të premten e kaluar për Kadri Veselin./Kosova24


    1-490.jpg

    ScanerPressJanuary 27, 202180

    Ish-kryetari i Gjykatës Kushtetuese, Enver Hasani ka deklaruar se Gjykata Supreme nuk do të ndryshon verdiktin apo vendimin e PZAP’it dhe KQZ’së në lidhje me certifikimin e kandidatëve të dënuar për deputetë, shkruan Gazeta Metro.

    Hasani ka thënë se Supremja nuk do ta ndryshon vendimin për mos certifikimin e kandidatëve për deputet që kanë pasur problem me ligjin në tri vitet e fundit.

    Ai tha se ky vendim i PZAP’it ka qenë i pritshëm duke marrë parasysh vendimin e mëhershëm të Gjykatës Kushtetuese dhe Këshillit Gjyqësor të Kosovës.

    “Verdikti nuk besoj se ndryshon, e kam thënë edhe më herët dhe po e përsëris, një prej të metave që kanë pasoja afatgjatë për rendin Kushtetues dhe juridik përgjithësisht në Kosovë është vendimi i Gjykatës Kushtetuese në sektorin që ka të bëjë me zgjedhjet dhe të drejtat zgjedhore”, tha Hasani në Kanal 10.

    Ndryshe, Hasani tha se as ushtruesja e detyrës së Presidentes, Vjosa Osmani nuk mundet të amnistoj kreun e VV’së, Albin Kurti dhe të kandidojë për deputet në zgjedhjet e 14 shkurtit.


    1-487.jpg

    ScanerPressJanuary 27, 2021170

    Një aksident tragjik ka ndodhur mëngjesin e kësaj të mërkure, ku një i ri ka humbur jetën. Ngjarja ka ndodhur orës 06:20, në aksin rrugor Fier-Patos, në vendin e quajtur “Portëz”.

    Mësohet se makina ku po udhëtonte 32-vjeçari është përplasur me kamionin, duke i marrë tragjikisht jetën. Viktima është identifikuar si Klement Basha 30 vjeç, banues në Fier, ndërsa shoferi i kamionit Bardhi Spahia është shoqëruar në Komisariat dhe po kryhen veprimet procedurale.

    Pamjet nga vendi i ngjarjes ku shihet që përplasja ka qenë shumë e fortë, saqë ‘Benzi’ ku udhëtonte viktima është shkatërruar plotësisht.

    Grupi hetimor po punon për zbardhjen e plotë të rrethanave të aksidentit.


    1-165.png

    ScanerPressJanuary 27, 2021110

    Përmbytjet e ditëve të fundit e kanë detyruar një qytetar në Durrës të mbyllë derën e shtëpisë së tij me shkumë. Banori e ka parë si mundësinë e vetme për të parandaluar që uji të futet në banesë.

    “Shtëpinë sa e kam rregulluar se në 2016 m’u prish. Asnjë lloj dëmshpërblimi nuk kam marrë”, thotë ai.

    Rasti është denoncuar nga kreu i degës së PD, në Durrës, Ferdinand Xhaferaj, i cili ka shkuar për të vizituar këtë familje.

    “I gjithë mundi dhe djersa e një jete të tërë, këtij qytetari i shkon dëm nga përmbytja që vjen si pasojë e papërgjegjshmërisë, arrogancës dhe moskujdedjes së Qeverisë”, shkruan Xhaferaj, ndër të tjera.


    1-486.jpg

    ScanerPressJanuary 27, 2021140

    Gazetari Visar Duriqi, ka thënë se Lëvizja Vetëvendosje duke mos i pranuar vendimet e KQZ-së dhe PZAP-së po përmbys pranimin e institucioneve.

    “Prej kur ka filluar të matet me numra nuk është vetëm lëvizje. E ka ruajtur një këmbë në institucione tjetrën në rrugë. Është e tepër të thuhet, por ta çojnë mallin e talibanëve në Afganistan”, ka thënë Duriqi, njofton Klan Kosova.

    “Mënyra e tyre, deklarata e fundit ku ju flitet për ligj këta e thonë po e kërkon populli. Deklarata e VV-së në këtë rast, është prit të jetë që “PZAP është e kapur”, por nuk presim se “injoroje se çfarë ka ndodh dhe populli po na do””.

    Duriqi në Edicionin e Analizës është shprehur se krahasimin mes Vetëvendosjes dhe talibanëve e ka bërë duke u bazuar në mënyrën e të vepruarit.

    “Bëra krahasimin mes Vetëvendosjes dhe talibanëve në metodën si operojnë. Nuk thash që Kurti është islamit. Më shumë e shoh si ateist. Krahasimin e bëra me metodën se si talibanët operojnë me pushtetin, kur ju përshtaten vendimet janë të mira kur nuk ju përshtaten dalin në rrugë”.


    1-163.png

    ScanerPressJanuary 27, 2021190

    Lëvizja Vetëvendosje ka organizuar udhëtime nga Gjermania për mërgimtarët që do të votojnë në zgjedhjet e 14 shkurtit, shkruan Reporteri.net.

    Qendra e Vetëvendosjes Gjermani e Vetëvendosjes ka publikuar orarin e nisjeve të autobusëve.

    VV njofton se udhëtimi do të jetë falas.

    Postimi i plotë:

    KREJT DREJT KOSOVËS ME AUTOBUSË PËR NDRYSHIMIN E MADH TË 14 SHKURTIT

    Të nderuar bashkatdhetarë,

    Ne, Qëndra e Lëvizjes VETËVENDOSJE! në Gjermani, kemi kënaqësinë që të ju njoftojmë se do të udhëtojmë prap së bashku në drejtim të Kosovës me rastin e Zgjedhjeve Parlamentare. Sikur herën e kaluar, UDHËTIMI DO TË JETË FALAS.Të gjitha të dhënat mbi orarin e nisjeve të autobusëve, vendnisjet dhe kontaktet e përgjegjësve tanë në autobusë i gjeni në fletushkën e bashkangjitur.

    Thirrjet për rezervime mund të bëhen çdo ditë nga ora 16:00 deri në ora 20:00 dhe pranohen deri më 4 shkurt 2021.Siç jeni ndoshta edhe ju në dijeni mbi vendimet e shteteve të Evropës për masat anti-COVID, gjatë udhëtimit do të duhet t’i përmbahemi disa rregullave.

    Ju kemi siguruar dezinfektues për duar dhe maska të mjaftueshme. Po ashtu kemi vendosur që të mos i mbushim autobusët plotë me udhëtarë, në mënyrë që të mbahet një distancë e mjaftueshme mes njëri-tjetrit.Me që personat me sëmundje të ndryshme dhe ata të moshuar janë më shumë të rrezikuar nga virusi, atyre nuk i sugjerojmë të udhëtojnë.


    1-162.png

    ScanerPressJanuary 27, 2021160

    Policia e Vlorës ka dhënë informacionin zyrtar në lidhje me aksidentin që ndodhi dje pranë vendit të quajtur ”Kripa” ku humbi jetën një 23-vjeçare, e identifikuar si Anxhela Çapo.

    Ndryshe nga sa u tha fillimisht nga ana e Policisë, mjeti tip “Hyndai” me targa AA163XO nuk drejtohej nga viktima, por nga shoqja e saj Silvana Muho, e cila është arrestuar nga ana e Policisë, edhe pse vetë u transportua drejt spitalit pas plagëve të marra.

    Mjeti me të cilin ato udhëtonin është përplasur fillimisht me trafikndarësen dhe më pas ka rënë në kanal. 22-vjeçarja Muho do të përballet me akuzën “Shkelja e rregullave të qarkullimit rrugor”. Shkak i aksidentit të rëndë dyshohet të jetë bërë shpejtësia e madhe me të cilin po ecte mjeti ku ndodheshin dy të rejat, ndërkohë që trupi i viktimës kishte dalë shumë metra më tej nga vendi ku u gjet makina.

    Njoftimi i plotë i Policisë:

    Në vijim të informacionit paraprak të dhënë mbrëmjen e djeshme, në lidhje me aksidentin rrugor të ndodhur në autostradën Vlorë-Fier, nga veprimet hetimore ka rezultuar se në drejtim të mjetit nuk ka qenë shtetasja A. Ç., 23 vjeçe, e cila ka ndërruar jetë në vendngjarje, por ka qenë shtetasja S. M., 22 vjeçe.

    Në përfundim të veprimeve hetimore, nga specialistët e Qarkullimit Rrugor u bë arrestimi në flagrancë i drejtueses së mjetit, shtetases S. M., për veprën penale “Shkelja e rregullave të qarkullimit rrugor”. Materialet iu referuan prokurorisë, për veprime të mëtejshme.


    1-484.jpg

    ScanerPressJanuary 27, 2021230

    Policia e Kosovës ka njoftuar për një therje me thikë në Prizren. Sipas policisë viktima është duke u trajtuar në Spitalin Rajonal të Prizrenit teksa i dyshuari për kryerjen e sulmit është dërguar në mbajtje.

    “Rr. Wiliam Walker, Prizren 26.01.2021 – 15:40. Është arrestuar i dyshuari mashkull kosovar pasi që i njëjti e ka therur me thikë viktimën mashkull kosovar.

    Viktimës i është ofruar tretman mjekësor në spitalin e Prizrenit ku vazhdon kurimin e tij. Në lidhje me rastin është konsultuar prokurori i shtetit me urdhër të së cilit i dyshuari dërgohet në mbajtje”, thuhet në njoftim.


    1-481.jpg

    ScanerPressJanuary 27, 2021120

    Kandidati për deputet nga PDK për VV-në: E duan krejt, por aspak drejt

    Kandidati për deputet nga radhët e Partisë Demokratike të Kosovës, Petri Hajdari i ka komentuar sloganet me të cilat partitë garojnë në zgjedhjet e 14 shkurtit. Ai duke e komentuar sloganin e Lëvizjes Vetëvendosje “Krejt dhe drejt”, ka thënë se kjo parti po i kërkon krejt, por aspak drejt, sepse sipas tij kjo është simbolikë totalitare.

    “Parullat e sloganet politike, ndonëse nuk tregojnë asgjë për votuesit, tregojnë shumë për partitë që i përzgjedhin. Tregojnë mendësi e tendencë. Slogani i përzgjedhur, është fyerje publike për inteligjencën e qytetarit: sikur njerëzit këtu të mos e dinë ç’domethënë “krejt”. Ajo është simbolikë totalitare, e kapjes në emër të ç’ kapjes”, ka shkruar ai.

    Ky është postimi i plotë i Hajdarit:

    Parullat e sloganet politike, ndonëse nuk tregojnë asgjë për votuesit, tregojnë shumë për partitë që i përzgjedhin. Tregojnë mendësi e tendencë. Slogani i përzgjedhur, është fyerje publike për inteligjencën e qytetarit: sikur njerëzit këtu të mos e dinë ç’domethënë “krejt”. Ajo është simbolikë totalitare, e kapjes në emër të ç’ kapjes

    Në anën tjetër, e ashtuquajtura “pasardhëse e Rugovës” e ka harruar faktin që autoritarizmi dhe bekimi për të s’ka qenë kurrë mesazh i asnjë politikani normal në Kosovë, e as i atij pasardhëse e të cilit ajo pretendon të jetë.

    Por, qytetari e lexon gënjeshtrën. Është e qartë kristal që liderët që nuk dinë ta lexojnë historinë pa vetveten, përfundojnë në koshin e historisë, e jo në majat e saj.

    Rimëkëmbja është alternativë, sepse nuk synon të rrënojë balancat demokratike të pushtetit, por të qeverisë me nder e me bashkëpunim.

    Pa përjashtime. Pa përçarje. Pa inate meskine.

    PDK-ja nuk do të donte të ishte alternativa e vetme, por është goxha e qartë që jemi të pakonkurueshëm në qëndrime.

    Prandaj, po përpiqen ta rrëzojnë PDK-në me populizëm.

    Kot e kanë. Populli i Kosovës do të rimëkëmbet.

    #Rimëkëmbje

    #HoxhajKryeministër

    #petrithajdari70



    Rreth Nesh

    Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit ScanerPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

    E-mail: [email protected]


    NA KONTAKTONI!

    NA TELEFONONI TEL/MOB: 044 555 555