TË FUNDIT:
    1-302-780x439-1.jpg

    ScanerPressMarch 31, 20201410

    Zyrtarët e Las Vegasit në Nevada u kanë bërë thirrje të pastrehëve të qëndrojnë në parkingun e një qendre tregtare, pasi një mashkull rezultoi pozitiv në testin e COVID-19 dhe u detyruan ta mbyllin strehimoren nga frika se mund të vie deri te përhapja e mëtejme e coronavirusit.

    Për çdo të pastrehë është siguruar nga një “shtrat” më saktësisht një parking i veturës, kurse autoritetet janë detyruar që parkingun e një qendre tregtare ta shndërrojnë në vend për fjetje pasi që strehimorja për të pastrehët është mbyllur, transmeton Telegrafi.

     

     

     

     

     

     

     

    E këtë e ka konfirmuar zëdhënësi i zyrës së kryetarit të qytetit, David Riggleman. Sipas tij fillimisht ishte paraparë që në parking të vendosën tepihë, por zyrtarët lokalë kanë hequr dorë nga kjo ide, nga frika se në këtë mënyrë virusi do të mund edhe më shpejtë të përhapej.

    E pas publikimit të fotografive nëpër rrjete sociale ku shihen njerëzit duke fjetur në asfalt, autoritetet lokale janë kritikuar ashpër nga qytetarët që mendojnë se të pastrehët kanë mundur të akomodohen nëpër dhomat e hoteleve që kanë mbetur bosh pas mbylljes së tyre. /Telegrafi/


    spanja-13-600x360-1.jpg

    ScanerPressMarch 29, 20201130

    Ka shkuar në 6528 numri i përgjithshëm i personave të vdekur nga koronavirusi në Spanjë. Vetëm në 24 orët e fundit, në këtë shtet u regjistruan 838 viktima të reja.

    Edhe numri i të infektuarve gjatë 24 orëve të fundit u rrit në masë të konsiderueshme me 6549 raste të reja, duke e çuar në 78797 shifrën e përgjithshme të të prekurve. Spanja është një prej shteteve më të prekura nga sëmundja e re dhe ndodhet në vendin e dytë në botë me numrin e viktimave pas Italisë.

    Autoritetet në Spanjë tashmë e kanë miratuar zgjatjen e afatit të masave emergjente, përfshirë izolimin e njerëzve, të cilët kanë të drejtë të dalin jashtë vetëm kur blejnë ushqime dhe ilaçe.

    Spitalet e Madridit janë të mbushura me pacientë të infektuar dhe disa prej tyre janë parë të shtrirë nëpër korridore për shkak të mungesës së shtretërve të lirë, shkruan “Metro UK”, transmeton Gazeta Express.

    Të shtunën, një anëtare e familjes mbretërore spanjolle vdiq pasi ishte diagnostikuar me koronavirus në Paris. Ajo është princesha Maria Teresa dhe u bë viktima e parë e koronavirusit në mesin e familjeve mbretërore.


    4-5.png

    ScanerPressMarch 27, 20202190

    Për 24 orë 969 njerëz vdesin nga coronavirusi në Itali, duke çuar numrin e përgjithshëm në 9134

    Në Itali, gjithsej 9134 njerëz vdiqën nga coronavirusi. Në 24 orët e fundit, 969 njerëz kanë vdekur dhe 5909 raste të reja janë raportuar.

    Ky është numri më i lartë i vdekjeve në një ditë të vetme, njoftoi në një konferencë për shtyp Mbrojtja Civile në Romë, transmeton Telegrafi.

    Kujtojmë, 712 njerëz vdiqën dje në 24 orët e fundit.

    10.950 njerëz u shtruan në spital pasi u infektuan me coronavirus. 3732 persona janë në një kujdes intensiv në spital

    Veçanërisht e vështirë është situata në Lombardi, në të cilën 541 njerëz kanë vdekur në 24 orët e fundit.

    Të mërkurën, 683 njerëz vdiqën në Itali, 743 të martën, 602 të hënën, 650 të dielën dhe 793 të shtunën, numri më i lartë që nga shpërthimi në 21 shkurt. /Telegrafi/

     


    3-21.jpeg

    ScanerPressMarch 27, 2020720

    Ish-Presidenti amerikan, Bill Clinton dhe ish-Sekretarja e Shtetit, Hillary Clinton kanë dhuruar mbi 400 pica punëtorëve shëndetësorë në spitalet e Neë York-ut. Bill dhe Hilary Cliton zgjodhën njërën nga piceritë me pronar shqiptar për të porositur disa nga picat e dhuruara.

    Abi Krasniqi, menaxher i picerisë “Mr. Nick’s Brick Oven Pizza” në Neë York ka thënë se restauranti I tij ka shpërndarë rreth 20 pica në spitalin Phelps Memorial.

    “Gjesti ishte me të vërtetë përkrahje për punëtorët shëndetësorë, por i ndihmoi edhe biznesit tonë po ashtu. Kjo tregoi që Bill dhe Hillary kujdesen për njerëzit dhe shtetin e tyre”

    Bill dhe Hilary Clinton në dhuratat e tyre bashkëngjitën edhe një shënim.

    “Faleminderit që po mbroni komunitetet tona. Nga Bill dhe Hillary Clinton”, shkruan CNN, transmeton Gazeta Express.


    4-26.jpg

    ScanerPressMarch 26, 2020910

    Departamenti i Drejtësisë i SHBA-ve ka publikuar sot akuza penale për trafik droge në adresë të presidentit të Venezuelës Nicolas Maduro.

    Departamenti i Shtetit po ofron një shpërblim prej 15 milionë dollarësh për kapjen e Maduros..

    Aktakuza ndaj një presidenti shteti në detyrë është jashtëzakonisht e pazakontë dhe është e detyruar të krijojë tensione midis Uashingtonit dhe Karakasit.


    4-25.jpg

    ScanerPressMarch 26, 2020810

    Italia, Spanja dhe Shtetet e Bashkuara janë aktualisht qendrat kryesore në shkallë globale të betejës me koronavirusin.

    Kina ishte për disa muaj vendi i goditur më rëndë, me numrin më të madh të të infektuarve dhe të vdekurve nga COVID-19, por shifrat e fundit tregojnë se Italia dhe Spanja kanë një numër më të madh viktimash nga kjo sëmundje.

    Zyrtarët spanjollë të shëndetësisë thonë se gjatë natës së kaluar u regjistruan 738 të vdekur duke e çuar në 3400 numrin total të viktimave nga COVID-19 në këtë vend.

    Parlamenti spanjoll ka miratuar kërkesën e qeverisë për të zgjatur gjendjen e jashtëzakonshme dhe masat e ndalim qarkullimit që detyrojnë mbylljen e bizneseve dhe u kërkojnë banorëve të qëndrojnë të mbyllur në shtëpi deri në mes të prillit.

    Italia ku aktualisht numërohen më shumë se 74 mijë raste, mund të kalojë së shpejti Kinën për nga numri total i të infektuarve.

    Situata po rëndohet edhe në Shtetet e Bashkuara. Sot shifrat e të infektuarve të konfirmuar arritën në mbi 69 mijë raste ndërsa ka pasur mbi 1000 të vdekur.

    Ligjvënësit po përpiqen të shpejtojnë procesin e furnizimit të spitaleve me pajisjet e domosdoshme mjekësore për personelin që ka pasur mungesa maskash e mjetesh të tjera mbrojtëse si dhe aparaturash për pacientët.

    Masat e rrepta për të ndalur përhapjen e virusit në komunitet i kanë dhënë një goditje të rëndë ekonomisë amerikane. Në përgjigje të nevojave të bizneseve dhe individëve, Senati miratoi mbrëmë një paketë stimulimesh prej 2 trilionë dollarësh për t’u ofruar kredi bizneseve, si dhe asistencë sociale punonjësve dhe familjeve amerikane.

    Pritet që të premten paketa të miratohet nga Dhoma e Përfaqësuesve dhe të marrë edhe firmën e Presidentit Trump.

    Koronavirusit ka prekur çdo skaj të globit. Deri tani në shkallë globale ka më shumë se 487 mijë të infektuar dhe janë konfirmuar mbi 22 mijë të vdekur nga COVID-19, sëmundja që shkakton koronavirusi.

    Organizata Botërore e Shëndetësisë u bën thirrje qeverive në mbarë botën që të shtojnë prodhimin e paketave të diagnostikimit, si dhe të forcojnë infrastrukturën spitalore për të mjekuar pacientët, që të vihet nën kontroll përhapja e virusit. /VoA


    3-18.jpeg

    ScanerPressMarch 26, 2020470

    Që nga 20 janari kur koronavirusi filloi të shfaqej në Korenë e Jugut, u njoftua se rreth 45% e të sëmurëve janë shëruar plotësisht.

    Sipas Korea Herald, në vend janë regjistruar 104 raste të reja dhe numri i personave të infektuar ka arritur në 9 241.

    Në të gjithë vendin që nga shfaqja e rastit të parë më 20 janar e deri tani theksohet se janë shëruar plotësisht 4 144 persona të infektuar me COVID-19 dhe se kjo përbën 44,8% të rasteve.


    4-22.jpg

    ScanerPressMarch 25, 2020180

    Një diplomat i lartë britanik ka vdekur pas kontraktimit të koronavirusit.

    Steven Dick, nënkryetar i misionit në ambasadën britanike në Budapest, ndërroi jetë të martën pasi testoi pozitivisht për sëmundjen COVID-19, njofton Klan Kosova.

    Zyra e Jashtme tha se stafi ishte “thellësisht i trishtuar” nga vdekja e 37 vjeçarit nga koronavirusi, dhe prindërit e tij thanë se ai kishte qenë “shumë i lumtur që përfaqësonte vendin tonë jashtë shtetit”.

    Në një deklaratë, Steven dhe Carol Dick thanë se “Stiven ishte një djalë, nip dhe stërnip shumë i dashur’’.

    “Ai ishte i sjellshëm, qesharak dhe bujar’’.

    ‘’Jemi të shkatërruar nga humbja e tij dhe të kërkojmë intimitet në këtë kohë tragjike.”

     


    3-72.jpg

    ScanerPressMarch 25, 20201950

    Në bazë të statistikave të fundit, Spanja e ka tejkaluar Kinën për nga numri I të vdekurveme koronavirus, duke regjistruar kështu gjithsej 3.434 të vdekur. Ndërkohë raportohet se në Itali është vërejtur një ngadalësim i rritjes së numrit të të infektuarve, gjë e cila i ka rritur shpresat se kjo pandemi është duke përfunduar.

    Aktualisht në Spanjë kanë vdekur 738 persona vetëm brenda 2 4 orëve të fundit, mirëpo zyrtarët mjekësore atje thonë se kjo rritje është duke u ngadalësuar dhe me ndihmën e duhur situata do të shkojë drejt stabilizimit.

    Italia ende shënon epiqendrën e pandemisë së COVID-19 në Evropë dhe botë,  me 6.820 persona të vdekur.  Ndërkaq në bazë të dhënave atje situate është duke u stabilizuar, për shkak se të martën janë regjistruar vetëm 753 të vdekur, në krahasim me ditët e tjera, ku kishte  një numër shumë më të madh të të vdekurve.

    “Ky është një faktor shumë pozitiv, sepse situata po stabilizohet në vendet më të prekura, ndërkohë shumë vende të tjera kanë një numër shumë të ulët të personave të infektuar”, tha Ranieri Guerra, nga Organizata Botërore e Shëndetësisë.  “Unë besoj se kjo javë dhe java e ardhëshme do të jetë vendimtare sa I përket pandemisë së koronavirusit dhe gjendjes aktuale në botë”, shtoi ai.

    Ndërkohe, Spanja të martën ka kërkuar ndihmë për mjete mjeksore duke përfshirë 450.000 respiratorë dhe 500.000 teste dhe 1.5 milion maska.

    Numri I të infektuarve në të gjithë botën ka shkuar në 423.000 persona. / The Guardian/ Gazeta Express


    3-38.jpg

    ScanerPressMarch 20, 20201570

    Numri i rasteve të me coronavirus në Gjermani u rrit për 2,958 në 24 orët e fundit, me gjithsej 13,957 raste.

    Kështu, siç shkruajnë mediat e huaja, përcjell Telegrafi, tha kreu i Institutit Robert Koch (RKI), agjencia federale e shëndetit publik në Gjermani.

    Po sipas medieve, ka pasur 31 vdekje totale si rezultat i coronavirusit, me 11 vdekje në 24 orët e fundit, tha shefi i RKI, Lothar Wieler në një konferencë për shtyp në Berlin.

    “Ne do të shohim më shumë fatalitete gjatë disa javëve të ardhshme – përfshirë këtu në Gjermani”, ka paralajmëruar Wieler.

    Kreu i RKI paralajmëroi gjithashtu për kapacitetet spitalore në vend.

    “Më shumë njerëz do të infektohen; më shumë njerëz do të pranohen në dhomat e urgjencës dhe më shumë njerëz do të kërkojnë ndihmë të frymëmarrjes dhe për këtë arsye duhet të kemi frikë se nuk do të ketë ventilatorë të mjaftueshëm”, tha Wieler.

    Gjermania është vetëm në fillim të shpërthimit të coronavirusit, paralajmëroi Wieler.

    Ai u bëri thirrje njerëzve të mbajnë distancën e tyre për të luftuar pandeminë, por tha se i takon autoriteteve lokale të vendosin për masa specifike të hartuara për ta arritur atë.

    Ai vazhdoi të lëshojë një paralajmërim të ashpër.

    “Nëse ka ende njerëz në vendin tonë që nuk e besojnë këtë, të cilët nuk më besojnë mua, të cilët mendojnë se kjo është panik, atëherë unë vetëm mund t’u bëj thirrje atyre që më në fund të hapin sytë nga ky realitet”, tha ai .

    “Nëse të gjithë i përmbahen asaj që është caktuar, ne mund ta ngadalësojmë këtë epidemi në maksimumin e mundshëm”. /Telegrafi/



    Rreth Nesh

    Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit ScanerPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

    E-mail: [email protected]


    NA KONTAKTONI!

    NA TELEFONONI TEL/MOB: 044 555 555