TË FUNDIT:

    Berisha: VV’në po e shkarkon “profa i nderuar”

    ScanerPressMarch 25, 20200
    3

    Depueti i AAK-së, Bekë Berisha, ka folur në Kuvendin e Kosovës në seancën ku pritet të votohet mocioni i mosbesimit ndaj Qeverisë Kurti.

    Berisha i është përgjigjur me një fjalë popullore akuzave të ashpra të deputetëve të Vetëvendosjes, duke thënë se ata nuk po i shkarkon AAK-ja, por “profa i nderuar”, duke e pasur fjalën për kryetarin e LDK-së, Isa Mustafa.

    “Nëse iu ka kallë dhelpnës bishti, nuk u kall krejt bota. Nuk e kuptoj pezmin e Vetëvendosjes me neve. Juve është ka ju rrëzon profa i nderuar”, ka thënë Berisha.

    Ai i ka replikuar edhe minsitrit të jashtëm, Glauk Konjufca, i cili gjatë një fjalimi e këshilloi që të mos flasë për diktaturën.

    Ai tha se Konjufca kishte qenë në AAK dhe ishte larguar nga aty për të shkuar në VV, sipas tij, me udhëzimet e SHIK-ut.

    “Glaukun po e kursej pak. U kanë djalë i ri në AAK, dikur u largu prej atyhit shkoj në VV. Me udhëzimet e SHIK-ut. Këtu e bëjnë mall”, tha ai.

    Berisha theksoi se VV ka dashur të imponojë diktaturë mbi LDK-në, por sipas tij, kjo gjë ka dështuar.

    “Këtu përime ka pas tendencë me ba dikaturë. Ju keni deshte diktaturë me bo mbi LDK-në dhe ka mbetë në tentativë. Puçi mbetet veç paranojë e kryeministrit, pasi që nuk e vërtetoj se ka pas diçka të tillë. Ky njeri është i dashurum në vetveten, se si me bë një vend në histori. Sonte duket se ka me hy në histori, por s’ka me u bë asgjë”, tha ai.


    Rreth Nesh

    Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit ScanerPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

    E-mail: [email protected]


    NA KONTAKTONI!

    NA TELEFONONI TEL/MOB: 044 555 555